«Իսլամական պետության» գրոհայինները իրաքյան Մոսուլից ոչ հեռու գտնվող Թել Քայֆ քաղաքի քրիստոնեական եկեղեցին վերածել են երեխաների ռազմական պատրաստության կենտրոնակայանի:
Կենտրոնում զինվորական պատրաստություն անցնող պատանիները մոտ 15 տարեկան են: Շատերին գաղտնի բերել են Մոսուլից: Մարզումները, որպես կանոն, 15-20 օր են տևել, հայտնում է Lenta.tu-ն Rudaw-ի վրա հղումով:
«ԻՊ-ն եկեղեցին վերածել է կենտրոնակայանի: Նրանք գիտեին, որ ավիացիան չի ռմբակոծում եկեղեցիները»,-ասել է գործակալության զրուցակիցներից մեկը:
Ըստ նրա, կենտրոնում վարժեցվող երեխաներին հետո մարտի դաշտ են ուղարկել: Նրանց ասում էին, որ «երկինք են ուղարկելու»: Այժմ գրոհայինները չեն վերահսկում Թել Քայֆը: