ՀՀ արտաքին գործերի փոխնախարար Շավարշ Քոչարյանն արձագանքել է Ադրբեջանի արտաքին գործերի նախարար Էլմար Մամեդյարովի վերջին հայտարարություններին, որտեղ վերջինս քննադատել է տարեկան ամփոփիչ ասուլիսի ժամանակ ՀՀ ԱԳ նախարարի հայտարարությունները:
«Կլառնետը հակառակ կողմից փչելով` կստանաս ոչ թե մեղեդի, այլ այն կակոֆոնիան, որը հնչեցրել է Ադրբեջանի արտաքին գործերի նախարարը»,- այս մասին իր թվիթերյան միկրոբլոգում գրել է Շավարշ Քոչարյանը:
Ադրբեջանի արտաքին գործերի նախարար Էլմար Մամեդյարովը փետրվարի 1-ին հայտարարել է, թե ՀՀ ԱԳ նախարարի հայտարարությունները «հեռու են դիվանագիտական էթիկայից և խեղաթյուրում են բանակցությունների գործընթացը»:
Հունվարի 31-ին ԱԳՆ-ում լրագրողների հետ հանդիպմանն արտգործնախարար Էդվարդ Նալբանդյանը հայտարարել է, թե Հայաստանի և Ադրբեջանի արտգործնախարարների մակարդակով հանդիպում կարող է տեղի ունենալ առաջիկայում, եթե Ադրբեջանը չհրաժարվի: