Կենտրոն և Նորք-Մարաշ վարչական շրջանների ընդհանուր իրավասության դատարանը փետրվարի 2-ին որոշում է կայացրել Խորենացի փողոցում ոստիկանության աշխատակիցների նկատմամբ բռնություն գործադրելու ու զանգվածային անկարգություններ հրահրելու մեջ մեղադրվող Արսեն Մկրտումյանին, Գագիկ Միքայելյանին և Սոսո Մարգարյանին դատապարտել 3 տարվա ազատազրկման:

3 ամբաստանյալն էլ դատաքննության ընթացքում ընդունել էին իրենց մեղքը՝ մեղմ պատիժ ստանալու ակնկալիքով, գրում է Aysor.am-ը:

Արսեն Մկրտումյանը, Գագիկ Միքայելյանը և Սոսո Մարգարյանը «Սասնա ծռեր» զինված խմբի կողմից հուլիսի 17-ին Ոստիկանության ՊՊԾ գնդի գրավումից հետո Խորենացիում տեղի ունեցած զանգվածային անկարգությունների ընթացքում ոստիկանների նկատմամբ բռնություն են գործադրել և զանգվածային անկարգություններ հրահրել: