«Բոլոր նրանք, ովքեր պատրաստվում են իրենց թեկնածությունները առաջադրել Հայաստանի նախագահի պաշտոնում, արդեն հայտարարել են իրենց մտադրությունների մասին: Ես ոչինչ չեմ հայտարարել եւ, բնականաբար, չեմ պատրաստվում առաջադրվել»,- Երեւանում լրագրողներին հայտարարել է ՀՀ արտգործնախարար Վարդան Օսկանյանը:

Ինչ վերաբերում է նախարարի ապագա ծրագրերին Հայաստանի առաջիկա նախագահական ընտրություններից հետո, Օսկանյանը նկատել է, որ այդ մասին դեռ շատ վաղ է խոսել: «Ես կկատարեմ իմ պարտականությունները մինչեւ ներկա կառավարության ցրումը: Ապա կերեւա»,- ասել է արտաքին քաղաքականության գերատեսչության ղեկավարը: