Փետրվարի 6-ին մեկնարկում է ապրիլին կայանալիք խորհրդարանական ընտրություններում կուսակցությունների և կուսակցությունների դաշինքների առաջադրման գործընթացը։
Կենտրոնական ընտրական հանձնաժողովի հաստատած ժամանակացույցի գամաձայն, քաղաքական ուժերը գրանցման համար անհրաժեշտ փաստաթղթերը կարող են ներկայացնել մինչև փետրվարի 16-ը։
Կուսակցությունների և կուսակցությունների դաշինքների գրանցումը կկայանա փետրվարի 16-ից մինչև 26-ը։
Նախընտրական քարոզարշավը կմեկնարկի մարտի 5-ին և կշարունակվի մինչև մարտի 31-ը։
Ավելի վաղ, հիմք ընդունելով Հայաստանի Հանրապետության ընտրական օրենսգրքի 103-րդ հոդվածի 2-րդ մասը, ՀՀ նախագահ Սերժ Սարգսյանը որոշել է. ՀՀ Ազգային ժողովի հերթական ընտրությունը նշանակել 2017 թվականի ապրիլի 2-ին: