Բնապահպանության նախարար, ՀՅԴ ներկայացուցիչ Արծվիկ Մինասյանը ռեյտինգային ցուցակով կառաջադրվի Արմավիրի մարզում: Այդ մասին նա հայտարարել է լրագրողների հետ հանդիպմանը:

Նա նշել է, որ ՀՅԴ-ում այս պահին չկա այլ որոշում, քան ընտրություններին միայնակ, որպես առանձին միավոր, մասնակցելը, ինչպես որ գրեթե միշտ է եղել, հայտնում է «Ա1+»-ը:

Փետրվարի 6-ին մեկնարկել է ապրիլին կայանալիք խորհրդարանական ընտրություններում կուսակցությունների և կուսակցությունների դաշինքների առաջադրման գործընթացը։

Կենտրոնական ընտրական հանձնաժողովի հաստատած ժամանակացույցի համաձայն, քաղաքական ուժերը գրանցման համար անհրաժեշտ փաստաթղթերը կարող են ներկայացնել մինչև փետրվարի 16-ը։