Ըմբշամարտի միջազգային ֆեդերացիան (UWW) հրապարակել է Հունահռոմեական ոճի ըմբշամարտի 2017 թվականի հունվարի վարկանիշային աղյուսակները: ՀՀ ըմբշամարտի ֆեդերացիան հաղորդում է, որ այս անգամ հունահռոմեական ոճի ուժեղագույնների շարքում ընդգրկվել է 13 հայազգի ըմբիշ, 8-ը՝ Հայաստանից, 5-ը՝ արտերկրից:
Հունվար ամսվա ցանկերում հայ ըմբիշները հետևյալ դիրքերում են՝
Օլիմպիական խաղերի չեմպիոն Արթուր Ալեքսանյանը գլխավորում է 98 կգ քաշային կարգի աղյուսակը:
66 կգ քաշային կարգում երկրորդն Օլիմպիական խաղերի փոխչեմպիոն Միհրան Հարությունյանն է: Հայ մարզիկից առաջ է միայն Ռիո-2016-ի եզրափակչում Միհրանի մրցակից, սերբ Դավոր Շտեֆանեկը: Նույն քաշային կարգի 15-րդ տեղում է Կարեն Ասլանյանը:
71 կգ քաշային կարգում 8-րդ հորիզոնականում Վարշամ Բորանյանն է:
75 կգ քաշային կարգում համապատասխանաբար 14-րդ և 15-րդ հորիզոնականներում են Արսեն Ջուլֆալակյանը և Կարապետ Չալյանը:
85 կգ կարգում Մաքսիմ Մանուկյանը 14-րդն է:
Յուրաքանչյուր քաշային կարգում ընդգրկվում են տվյալ ամսվա արդյունքներով 20 ուժեղագույն ըմբիշները: