ՀՀ ԱԳ նախարար Էդվարդ Նալբանդյանը ՀՀ ԱԳՆ մեդալներով է պարգևատրել ՌԴ ԱԳՆ պաշտոնական ներկայացուցիչ Մարիա Զախարովային և ՌԴ ԱԳՆ մի շարք աշխատակիցների:
Առաջին աստիճանի պատվո մեդալ է շնորհվել ՌԴ ԱԳ փոխնախարար Վասիլի Նեբենզային, իսկ Մարիա Զախարովան ստացել է երկրորդ աստիճանի պատվո մեդալ:
ՌԴ ԱԳ նախարար Սերգեյ Լավրովն իր հերթին պարգևատրել է իր հայ պաշտոնակից Էդվարդ Նալբանդյանին Բարեկամության շքանշանով:
«Ցանկանում եմ մեկ անգամ ևս շնորհավորել պարոն Նալբանդյանին ՌԴ պետական պարգևի արժանանալու կապակցությամբ և նո-հակալություն հայտնել իմ գործընկերների անունից այն գնահատականի համար, որը հնչեց նրանց հասցեին»,-հայտնում է «Sputnik-Արմենիան»:
Փետրվարի 22-ին Անհայտ զինվորի հուշարձանին՝ Անմար կրակի մոտ ծաղկեպսակ դնելով և Հայրենական մեծ պատերազմում զոհվածներին հարգանքի տուրք մատուցելով մեկնարկել է Հայաստանի արտգործնախարար Էդվարդ Նալբանդյանի պաշտոնական այցը Ռուսաստան:
Էդվարդ Նալբանդյանն ու Սերգեյ Լավրովը ՌԴ ԱԳՆ ընդունելությունների տանը բացել են Հայաստանի և Ռուսաստանի միջև դիվանագիտական հարաբերությունների հաստատման 25-ամյակին նվիրված ցուցահանդեսը։
Նույն օրը նախատեսված էին Հայաստանի և Ռուսաստանի արտգործնախարարների բանակցությունները և համատեղ մամլո ասուլիսը։