Սոֆիայում շարունակվող բռնցքամարտի Ստրանջայի միջազգային մրցաշարում Հայաստանի ազգային հավաքականի անդամ, 60 կգ քաշային Կարեն Տոնականյանը մեկնարկային մենամարտում 15 վայրկյանում նոկաուտի է ենթարկել բուլղարացի մրցակցին և անցել քառորդ եզրափակիչ:
Այսպիսով, Սոֆիայում հայաստանցի 4 բռնցքամարտիկ կպայքարի կիսաեզրափակչի համար, տեղեկացնում է ՀՀ բռնցքամարտի ֆեդերացիան:
Ավելի վաղ քառորդ եզրափակիչ էին դուրս եկել 64 կգ քաշային Հովհաննես Բաչկովն ու 69 կգ քաշային Վլադիմիր Մարգարյանը:
Գերծանր քաշային Դավիթ Չալոյանը պայքարը սկսելու է հենց քառորդ եզրափակչից: