Հայաստանի խաղողագործության և գինեգործության հիմնադրամի աջակցությամբ 2017-ի մարտի 19-21-ը հայկական 14 գինեգործական ընկերություն մեկ միասնական տաղավարով կմասնակցեն Գերմանիայի Դաշնային Հանրապետության Դուսելդորֆ քաղաքում անցկացվող ամենամյա PROWEIN 2017-ին, որը համարվում է աշխարհի ամենամեծ ու հեղինակավոր գինու մասնագիտացված ցուցահանդեսը:
Ցուցահանդեսին մասնակցության հիմնական նպատակն է արտերկրյա գնորդին ներկայացնել հայկական գինին և ընդլայնել սպառման շուկաները:
«PROWEIN 2017-ը մեկ հարկի տակ է հյուրընկալում արտադրողներին, խոշոր և մանրածախ գնորդներին, վերամշակման համար անհրաժեշտ հումք և սարքավորումներ արտադրողներին, ինչը հնարավորություն է ընձեռում հիմնել նոր գործարար կապեր, ինչպես նաև ծանոթանալ վերամշակման նորագույն տեխնոլոգիաներին և գլոբալ շուկանների հիմնական միտումներին:
