Մոսկվայի քաղաքապետարանը 2017-ին կվերանորոգի հայկական գերեզմանոցի գեղարվեստական արժեք ունեցող շիրմաքարերը: Այդ մասին ասվում է Մոսկվայի քաղաքապետարանի կայքէջում:
«Ընդհանուր առմամբ Մոսկվայի մշակութային ժառանգության օբյեկտների ցանկում 2005 գեղարվեստական շիրմաքար ու մշակութային ժառանգության օբյեկտ համարվող գերեզման կա: Դեպարտամենտը մշտադիտարկում է իրականացնում՝ հետևելով բոլոր հուշարձանների և շիրմաքարերի պահպանությանը»,-ասել է Մոսկվայի քաղաքապետարանի մշակութային ժառանգության դեպարտամենտի ղեկավար Ալեքսեյ Եմելյանովը:
Ակնկալվում է նաև ավելի քան երկու տասնյակ գեղարվեստական շիրմաքարերի վերականգնում քաղաքի այլ գերեզմանոցներում: