Համացանցում հայտնվել է «Գահերի խաղի» 7-րդ եթերաշրջանի առաջին թրեյլերը: Սերիալի YouTube-ի ալիքում հրապարակված հոլովակն ուղեկցվում է James բրիտանական ռոք խմբի Sit Down կոմպոզիցիայով:
Թրեյլերում հայտնվում են սերիալի գլխավոր կերպարները՝ Ջոն Սնոուն, Դեյներիս Տարգարիենը և Սերսեյա Լանիսթերը:
«Գահերի խաղի» 7-րդ եթերաշրջանի առաջին պրեմիերան տեղի կունենա հուլիսի 16-ին, գրում է Lenta.ru-ն:
«Գահերի խաղն» ամերիկացի գրող Ջորջ Մարտինի «Սառույցի և կրակի երգը» վիպաշարի հիման վրա նկարահանվող հեռուստասերիալ է: Նախագիծը ղեկավարում են Դեվին Բենիոֆն ու Դենիել Վայսը, նկարահանումներն ընթանում են Իսլանդիայում, Մալթայում, Մարոկոյում, Խորվաթիայում, Հյուսիսային Իռլանդիայում: Սերիալը ցուցադրվում է 2011-ից, 2016-ի դրությամբ նկարահանված է 6 եթերաշրջան: Նախագիծը բազմաթիվ հեռուստատեսային մրցանակների է արժանացել, միաժամանակ հաճախ քննադատվում է բաց կամ դաժան տեսարանների ցուցադրության համար:
