Պայթյուն է որոտացել Դոնի Ռոստովի կենտրոնում, մեկ մարդ է տուժել: Այդ մասին հայտնել է աղբյուրը Ռոսգվարդիայի հյուսիսկովկասյան շրջանի բաժանմունքի մամուլի ծառայությունում:
«Առանց բնակության մշտական վայրի տղամարդը մոտ 7:30-ին (Երևանի ժամանակով) փաթեթ է հայտնաբերել և որոշել է ստուգել պարունակությունը, այդ թվում այնտեղ գտնվող լապտերը», -ասել է Ռոսգվարդիայի ներկայացուցիչը, հայտնում է ՏԱՍՍ-ը:
Ըստ նրա, լապտերը միացնելիս գործի է դրվել պայթուցիկ սարքը, տղամարդը զրկվել է ձեռքի դաստակից:
Ավելի վաղ աղբյուրն իրավապահ մարմիններում հայտնել էր, որ միջադեպը տեղի է ունեցել 08:00-ին (Երևանի ժամանակով) Սոցիալիստական փողոցի հարևանությամբ: Պատահարի վայրից ոչ հեռու է գտնվում քաղաքի դպրոցներից մեկը: Տարածքը շրջափակված է, պատահարի վայրում աշխատում են հատուկ ծառայությունները:
