Ստոկհոլմում բեռնատարը Ahlens Mall կենտրոնի հարևանությամբ մխրճվել է ամբոխի մեջ: Ոստիկանությունը հաղորդագրություն է ստացել միջադեպի մասին տեղական ժամանակով 14:53-ին:
Ըստ տեղական ոստիկանության պաշտոնական ներկայացուցիչ Տուվե Հեգգիի հայտարարության, պատահարի հետևանքով 3 մարդ է զոհվել, գրում է ՌԲԿ-ն Reuters-ի վրա հղումով: Արտակարգ պատահարը տեղի է ունեցել Դրոտտնինգատան գլխավոր հետիոտնային փողոցում:
Տեղական Aftonbladet-ը հայտնում է, որ պատահարի վայրում աշխատում է ոստիկանությունը: Ըստ ականատեսների, բեռնատարը մխրճվել է զբոսնող մարդկանց մեջ մեծ արագությամբ: Մեքենան կանգնել է՝ բախվելով խանութներից մեկի ցուցափեղկին: