ԱՄՆ-ն մեծագույն նշանակություն են տալիս Սեւծովյան տարածաշրջանի անվտանգության հարցերին, ադրբեջանական գազի եւ նավթի անվտանգ մատակարարմանը Եվրոպա եւ ժողորդավարության զարգացմանը: Այդ մասին հայտարարել է Եվրոպայի եւ Եվրասիայի հարցերով ԱՄՆ պետքարտուղարի տեղակալի օգնական Մեթյու Բրայզան, ելույթ ունենալով Անկարայում անցնող Սեւծովյան տնտեսական համագործակցության կազմակերպության (ՍՏՀԿ) անդամ-երկրների արտգործնախարարների խորհրդի 17-րդ նիստին:

Իր ելույթում Բրայզան նաեւ դիտարկել է Հյուսիսային Իրաքում տիրող իրադրությանը: «ԱՄՆ-ն PPK-ն ճանաչում են որպես ահաբեկչական կազմակերպություն եւ ակտիվ պայքար են մղելու ահաբեկչության դեմ Իրաքի եւ Թուրքիայի հետ համատեղ»: Ամերիկացի դիվանագետը ընդգծել է տարածաշրջանի երկրների համագործակցության անհրաժեշտությունը առաջնային խնդիրների կարգավորման հարցում, հաղորդում է ԱՊԱ-ն: