Մայիսի 1-5-ը թուրքական և ադրբեջանական զինված ուժերը համատեղ զորավարժություններ կանցկացնեն:
Ադրբեջանի պաշտպանության նախարարության հայտարարության մեջ ասվում է, որ թուրք զինվորականներն Ադրբեջան են ժամանել երկու երկրների միջև ռազմական գործակցության մասին ռազմական համաձայնագրի շրջանակում անցկացվող զորավարժություններին մասնակցելու համար:
Զորավարժությունների հիմնական նպատակն է համակարգման կատարելագործումը Ադրբեջանի և Թուրքիայի ԶՈւ միջև, փոխգործակցությունը երկու բանակների ստորաբաժանումների միջև կենտրոնակայանների համատեղ պլանավորմամբ, հայտնում է TRT-ն:
Զորավարժությունների շրջանակում կգործարկվի զրահատեխնիկա, հրետանային կայանքներ և ականանետեր, ՌՕՈւ մարտական և տրանսպորտային ուղղաթիռներ, ինչպես նաև հակաօդային պաշտպանության ստորաբաժանումներ և զենիթահրթիռային ստորաբաժանումներ, որոնք հագեցած են արդիական պաշտպանական համակարգերով:
