Թուրքիայի Վանի նահանգի Գևաշ շրջանում մայիսի 1-ի ուշ երեկոյան գրանցվել է միանգամից երկու` 4.5 և 4.1 մագնիտուդ ուժգնությամբ երկրաշարժ։
Թուրքիայի արտակարգ իրավիճակների նախարարության տեղեկատվական ծառայությունը տեղեկացրել է, որ ցնցումները գրանցվել են մի քանի րոպե տարբերությամբ: Առաջին երկրաշարժի օջախը գտնվել է 13.6, իսկ երկրորդինը՝ 13.56 կմ խորության վրա:
Բացի այդ, վաղ առավոտյան Գևաշ շրջանում գրանցվել է 3.6 մագնիտուդ ուժգնությամբ ևս մեկ երկրաշարժ, որի օջախը գտնվել է 9.6 կմ խորության վրա:
2017-ի փետրվարին ևս 2 օրում Թուրքիայում 3 երկրաշարժ էր գրանցվել: