Արաբական Միացյալ Էմիրությունները հայտարարել են, որ Ֆուջեյրա էմիրության ափերի մոտ կարող են Անտարկտիկայից բերված սառցաժայռեր հայտնվել, որոնք որպես քաղցրահամ ջրի աղբյուր կծառայեն տարածաշրջանում:
Դա կարող է զգալիորեն փոխել կլիմայական պայմանները տարածաշրջանում, քանի որ սառցաժայռերից փչող սառը օդը կարող է հանգեցնել տեղումների ավելացման, գրում է ՌԻԱ Նովոստին Arabian Business պարբերականի վրա հղումով:
Բացի այդ, սառցաժայռերի հալոցքը, ըստ ծրագրի, կհանգեցնի նրան, որ քաղցրահամ ջուրը կլցվի ծովը, ինչը կնպաստի բնապահպանական բալանսի և կենսաբազմազանության վերականգնմանը:
Սառցալեռները նաև դիտարժան կլինեն զբոսաշրջիկների համար: