Հայաստանցիների 34%-ն ընդունում է էվոլյուցիայի տեսությունը՝ համարելով, որ մարդիկ ու այլ կենդանի օրգանիզմները զարգացման երկար ճանապարհ են անցել մինչև ներկայիս վիճակը:
Այս մասին են վկայում ամերիկյան Pew Research Center կենտրոնի անցկացված հարցման արդյունքները:
Հայաստանցիների 56%-ն, ընդհակառակը, կարծում է, որ մարդիկ ու կյանքի այլ օրգանիզմները գոյություն են ունեցել ներկա վիճակում ստեղծման օրվանից:
Էվոլյուցիային հավատացողներից 13%-ի կարծիքով, այն տեղի է ունեցել գերագույն էակի ազդեցության տակ, 18%-ն այն բնական գործընթաց է համարել:
47%-ը կարծում է, որ գիտությունը երբևիցե կկարողանա տալ բոլոր հարցերի պատասխանները, 49%-ը կարծում է, որ ոչ:
Վրաստանում էվոլյուցիային հավատում է հարցվածների 58%-ը, ՌԴ-ում՝ 65%-ը, Չեխիայում՝ 83%-ը: