Երևանի քաղաքապետի թեկնածու Զարուհի Փոստանջյանի դուստրը հոսպիտալացվել է։

Աղջիկը ուղեղի ցնցումով տեղափոխվել է Արմենիա բժշկական կենտրոն, լրագրողներին տեղեկացրել են Փոստանջյանի ընտրական շտաբից։

Ավելի վաղ, Փոստանջյանի դստերը բերման են ենթարկել, սակայն տեղեկություն է տարածվել, որ աղջկան չեն հասցրել ոստիկանություն, քանի որ փչացել է ոստիկանական մեքենան:

Մայիսի 14-ին՝ ժամը 8:00-ին, մեկնարկել են Երևանի ավագանու ընտրությունները։ Մայրաքաղաքում բացվել են ընտրատեղամասերը, քվեարկությունը կտևի մինչև ժամը 20:00-ն։ Ավագանու ընտրություններին մասնակցում է երեք քաղաքական ուժ՝ ԵԼՔ դաշինքը, «Երկիր ծիրանի» կուսակցությունը, Հայաստանի Հանրապետական կուսակցությունը: