Հայազգի Աստրիդ Փանոսյանը կարող է նշանակվել Ֆրանսիայի աշխատանքի և սոցիալական հարցերով նախարար։ Այս մասին հաղորդում է Tribune de Genève-ը:
Միևնույն ժամանակ Le Parisien-ը հաղորդում է, որ Փանոսյանը կարող է ղեկավարել արտաքին առևտրի ոլորտը:
Աստրիդ Փանոսյանը նորընտիր նախագահ Էմանուել Մակրոնի խորհրդականն է եղել վերջինիս էկոնոմիկայի նախարար եղած ժամանակ։
Ֆրանսիայի նախագահ Էմանուել Մակրոնը երկրի վարչապետ է նշանակել Հավր նավահանգստային քաղաքի 46-ամյա քաղաքապետ Էդուարդ Ֆիլիպին: Մոտ ժամանակներս Ֆիլիպը պետք է ձևավորի երկրի կառավարությունը: