Հայկական դրամները թղթի փոխարեն նոր նյութից կպատրաստվեն
Հայաստանում կներդրվեն նոր կոմպոզիտային թղթադրամներ: Այդ մասին որոշում է կայացվել Կենտրոնական բանկի խորհրդի նիստում:
Կենտրոնական բանկի Դիլիջանի ուսումնահետազոտական կենտրոնում մայիսի 26-ին կայացել է ԿԲ խորհրդի նիստ, որը վարել է ԿԲ նախագահ Արթուր Ջավադյանը:
ԿԲ խորհուրդը որոշել է ներդնել նոր՝ կոմպոզիտային թղթադրամներ և հայտարարել մրցույթ վերջիններիս տպագրության համար։
Կոմպոզիտային նոր թղթադրամները մի քանի անգամ ավելի երկարակյաց են և ունեն անվտանգության առավել բարձր բազմաստիճան համակարգ, հայտնում է ԿԲ հասարակայնության հետ կապերի ծառայությունը:։
Կոմպոզիտային թղթադրամներն արդեն ներդրվել են մի շարք երկրներում, օրինակ՝ Կանադայում ու Մեծ Բրիտանիայում:
