Մինսկում ընթացող շախմատի Եվրոպայի տղամարդկանց անհատական առաջնության ութ տուրից հետո միջազգային վարպետ Արման Միքայելյանը վեց միավորով զբաղեցնում է 13-րդ տեղը: Հայաստանի ներկայացուցիչների մեջ դա լավագույն արդյունքն է:

Արման Փաշիկյանը, Վահե Բաղդասարյանը և Սերգեյ Մովսեսյանը 5.5-ական միավորով զբաղեցնում են համապատասխանաբար 37-րդ, 41-րդ և 50-րդ տեղերը, տեղեկացնում է ՀՀ Ազգային օլիմպիական կոմիտեն:

Մայրցամաքի առաջնության արդյունքներով 22 լավագույն շախմատիստներն Աշխարհի գավաթի մասնակցության իրավունք կստանան: