Ջերմուկում ընթացող շախմատի Կարեն Ասրյանի միջազգային հուշամրցաշարում ինը տուրից հինգն արդեն խաղացվել է:
Ութ շախմատիստ, 4-ական միավորով բաժանում են 2-ից 9-րդ տեղերը: Նրանց շարքերում են հայաստանցի գրոսմայստերներ Հրանտ Մելքումյանը և Տիգրան Քոթանջյանը, միջազգային վարպետներ Հայկ Մարտիրոսյանը և Տիգրան Հարությունյանը:
Առաջատարն ուկրաինացի գրոսմայստեր Ալեքսանդր Զուբովն է, որը վաստակել է 4.5 միավոր, տեղեկացնում է ՀՀ Ազգային օլիմպիական կոմիտեն:
Հունիսի 26-ին կխաղացվեն 6-րդ տուրի պարտիաները:
Ջերմուկում ընթանում է Կարեն Ասրյանի անվան շախմատի 10-րդ հուշամրցաշարը, որին մասնակցում է 92 շախմատիստ 13 երկրից, այդ թվում 21 գրոսմայստեր: Հուշամրցաշարում սահմանված է գրոսմայստերական նորմ: