Հայաստանի Կենտրոնական ընտրական հանձնաժողովի երկու ներկայացուցիչներ կհետեւեն Վրաստանում կայանալիք նախագահական ընտրություններին ԵԱՀԿ Ժողովրդավարական ինստիտուտների եւ մարդու իրավունքների բյուրոյի առաքելության կազմում, հաղորդել է հանրապետության ԿԸՀ մամլո քարտուղար Տաթեւ Օհանյանը:

«Այսօրվա դրությամբ մենք հրավեր ենք ստացել դիտորդական առաքելությանը մասնակցելու վերաբերյալ միայն ԵԱՀԿ/ ԺԻՄԻԲ-ի կազմում»,-ասել է Օհանյանը` հավելելով, որ դեռեւս որոշված չէ թե հատկապես ով կմեկնի Վրաստան, հաղորդում է «Նովոստի-Արմենիան»:

Հիշեցնենք, որ վաղաժամ նախագահական ընտրությունները Վրաստանում կկայանան 2008 թվականի հունվարի 5-ին: