ՌԴ Պետդուման հուլիսի 5-ին ընդունել է օրինագծերի փաթեթ, որը կարգելի պարտադիր զինվորական ծառայություն չանցած քաղաքացիներին զբաղեցնել պետական ու համայնքային ղեկավարության պաշտոններ՝ 10 տարի ժամկետով:

Ինչպես հայտնում է «Կոմերսանտը», ժամկետի սկիզբ են հաշվելու այն օրը, երբ զինկոմիսարիատը որոշել է, որ քաղաքացին չի անցել ծառայությունն առանց առկա հարգելի պատճառների:

Նախկինում ՌԴ-ում, չծառայած լինելու պարագայում, պետպաշտոնյա դառնալու իրավունքից զրկում էին ցմահ: Պետդուման այսպիսով կատարել է ՍԴ որոշումը, որը հակասահմանադրական էր ճանաչել գործող նորմը:

Եթե պարզվի, որ արդեն իսկ աշխատող պաշտոնյան չի ծառայել բանակում, նա ենթակա է գործից ազատման:

Կարդացեք նաև. ՀՀ բարձրաստիճան պաշտոնյաների 48 որդիներից 16-ն ազատվել են ծառայությունից