Հուրգադայում ահաբեկչությունում ՀՀ 2 քաղաքացի է տուժել
Հուրգադայում հուլիսի 14-ին տեղի ունեցած ահաբեկչությունում տուժել է ՀՀ 2 քաղաքացի:
Այս մասին է հայտնում ՀՀ Արտաքին գործերի նախարարությունը:
Տուժածների անունները չեն հաղորդվում:
Նրանց կյանքին վտանգ չի սպառնում, հայտնել է Twitter-ում ԱԳՆ մամուլի խոսնակ Տիգրան Բալայանը։
«Հանցագործը վնասազերծվել է մեր վիրավոր քաղաքացու օժանդակությամբ», - հավելել է նա։
Հուլիսի 14-ին դանակով զինված մարդը հարձակվել է զբոսաշրջիկների վրա Հուրգադայի լողափերից մեկում: Վերջին տվյալներով, զոհվել է առնվազն 2 մարդ, առնվազն 4-ը վիրավոր են:
