Հակառակորդը կրակել է Տավուշի Բարեկամավանի ուղղությամբ
Հուլիսի 21-ին՝ ժամը 23։00-ից մինչև 01։00-ն ընկած ժամանակահատվածում, հակառակորդը կրակել է Տավուշի մարզի Բարեկամավան գյուղի ուղղությամբ:
Բարեկամավան համայնքի ղեկավար Ջոնիկ Միքայելյանը հայտնել է, որ երկու ժամ ընդմիջումներով անկանոն կրակահերթ է հնչել, գրում է Panorama.am-ը:
«Տուժածներ չկան, նյութական վնասներ ևս չենք ունեցել», - հայտնել է նա՝ հավելելով, որ վերջին մեկ տարվա ընթացքում գյուղի ուղղությամբ առաջին անգամ էր նման կրակոցներ հնչում:
Հունիսի 8-ի երեկոյան ադրբեջանական կողմը կրակել է Տավուշի մարզի Բաղանիս գյուղի ուղղությամբ: Մարդկային կորուստներ, բարեբախտաբար, չեն եղել, իսկ վնասի չափերը մեծ չէին՝ մի քանի տանիք է վնասվել:
