Բասկետբոլի Մ 16 տարեկան աղջիկների հավաքականը Եվրոպայի C դիվիզիոնի առաջնությունում երկրորդ հաղթանակն է տարել:
ՀԱՕԿ կայքի հաղորդմամբ, 63:31 հաշվով մեր թիմն առավելության է հասել Ուելսի ընտրանու նկատմամբ:
Հաջորդ հանդիպումը ՀՀ հավաքականը կանցկացնի հուլիսի 27-ին Ջիբրալթարի հավաքականի հետ:
Միևնույն ժամանակ Մ 16 տարեկան պատանիների հավաքականը Եվրոպայի C դիվիզիոնի առաջնությունում երրորդ խաղն է անցկացրել: Արեգ Վաթյանի սաները 79:48 հաշվով հաղթել են Մալթայի հավաքականին:
Այժմ ՀՀ թիմն անցկացրել է երեք խաղ և երեքում էլ երեք հաղթանակ է տարել:
Հայաստանի հավաքականի հաջորդ մրցակիցը հուլիսի 27-ին կլինի Ուելսի ընտրանին: