Հունվարի 28-ին Հայկական բանակը դառնում է 16 տարեկան: Ըստ ավանդույթի, հունվարի 28-ի առավոտյան ծաղկեպսակներ են դրվել Ղարաբաղի պատերազմում զոհված ազատամարտիկների հուշակոթողին «Եռաբլուրում»: Երեւանում կայացել է 1918 թվականի Սարդարապատի ճակատամարտի հրամանատար, գեներալ-մայոր Մովսես Սիլիկյանի հուշատախտակի բացումը:

1991 թվականին ՀՀ կառավարության որոշմամբ ստեղծվել է պաշտպանության պետական կոմիտե, իսկ դեկտեմբերի 5-ին ՀՀ նախագահի հրամանով, պաշտպանության նախարար է նշանակվել Վազգեն Սարգսյանը: 1992 թվականի հունվարի 28-ին պատմական որոշում է կայացվել` «ՀՀ պաշտպանության մասին», այսինքն Հայոց Ազգային Բանակի ստեղծումը: