Տավուշում՝ Հայաստան-Ադրբեջան պետական սահմանի Չինարի գյուղի մոտակայքում ԵԱՀԿ առաքելությունը դիտարկում պետք է անցկացներ, որի ժամանակ ադրբեջանական զինված ուժերը կրակ են բացել: Այս մասին Twitter-ի իր միկրոբլոգում գրել է ԱԳՆ խոսնակ Տիգրան Բալայանը:
Ըստ ՊՆ մամուլի խոսնակ Արծրուն Հովհաննիսյանի, դիտորդական խմբի աշխատանքները խոչընդոտվել են:
«Նշված վայրից հեռացել է ԵԱՀԿ նախագահի անձնական ներկայացուցիչ Անջեյ Կասպրշիկը»,- ասել է Հովհաննիսյանը:
Նրա խոսքով, չնայած ադրբեջանական կողմի խոչընդոտներ ստեղծելուն, դիտորդական խումբը կատարել է իր առաքելությունը, գրում է Panorama.am-ը: