Սեպտեմբերի 8-ին Թուրքիայում էկրաններ կբարձրանա «Կիսատ մնացած» ֆիլմը, որը պատմում է թուրք երիտասարդի և հայուհու սիրո մասին: Թուրքական լրատվականների հաղորդմամբ` ֆիլմն անդրադառնում է նաև «1915-ի հայկական դեպքերին»:
Գլխավոր դերերում հանդես են եկել Իսկուհի Բալջյանը, Անըլ Ալթանը և Ալի Բուհարա Մեթեն: Ֆիլմում նկարահանվել են նաև Նիհան Թարհանը, Մինե Թյուֆեքչիօղլուն, Մելդա Արատը, Ադնան Էրդողանը և Իբրահիմ Գյունդողանը: Ֆիլմի ռեժիսորն է Էմրե Յըլմազը, գրում է Ermenihaber.am-ը:
Ըստ ֆիլմ սցենարի՝ Իսկուհին Հայաստանից մեկնում է Ստամբուլ՝ ուսանելու տեղի համալսարանում, որտեղ և ծանոթանում է Մերթի հետ: Երիտասարդները սիրահարվում են, սակայն Հայաստանից Ստամբուլ մեկնած Իսկուհու եղբայրը՝ Արամը, և Մերթի ընտանիքը դեմ են նրանց հարաբերություններին: Երիտասարդները ստիպված են պայքարել իրենց առջև ծառացած դժվարությունները հաղթահարելու համար: