ՀՀ և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը տեղի կունենա Նյու Յորքում՝ ՄԱԿ Գլխավոր վեհաժողովի շրջանակներում, այն համաձայնեցված է ԵԱՀԿ ՄԽ միջնորդների հետ: Այդ մասին Մամեդյարովը հայտարարել է Ադրբեջանի, Թուրքիայի և Վրաստանի ԱԳ նախարարների եռակողմ հանդիպման ավարտից հետո:
Ըստ նրա, ակնկալվում են ղարաբաղյան կարգավորման ծրագրերի քննարկումներ, գրում է ՌԻԱ Նովոստին:
«Նյու Յորքում ՄԱԿ ԳՎ շրջանակում հանդիպումն արդեն համաձայնեցված է ԵԱՀԿ Մինսկի խմբի համանախագահների հետ, հստակ օրը որոշված չէ: Կարծում եմ, ղարաբաղյան կարգավորման պլանները բոլորին են հայտնի»,-ասել է Մամեդյարովը:
Ավելի վաղ Էդվարդ Նալբանդյանը հայտնել էր, որ Մամեդյարովի հետ իր հանդիպումը տեղի կունենա Նյու Յորքում, սեպտեմբերի երկրորդ կեսին, որտեղ կողմերը կքննարկեն ղարաբաղյան կարգավորմանն առնչվող հարցեր: