Թուրքիայի անդամակցումը ԵՄ-ին բացառվում է: Այսպիսի հայտարարություն է արել Եվրահանձնաժողովի նախագահ Ժան Կլոդ Յունկերը՝ չհիշատակելով սակայն Ուկրաինան:

Նա ասել է նաև, որ Եվրամիությունը չի բացառում հետագայում ընդլայնվելու հավանականությունը, սակայն մինչև 2019 թվականը նոր անդամներ չեն ընդունվի:

«Ակնհայտ է, որ գործով Հանձնաժողովի և խորհրդարանի օրոք, այսինքն մինչև 2019 թ. հետագա ընդլայնում չի լինի: Թեկնածուներից ոչ մեկը դեռ պատրաստ չէ: Սակայն, հետագայում ԵՄ-ին 27-ից ավելի երկիր կարող է անդամակցել»,-ասել է նա, հայտնում է ՏԱՍՍ-ը:

«Պահանջների չկատարման պատճառով Թուրքիայի անդամակցությունը ԵՄ-ին տեսանելի ապագայում բացառվում է»,-ասել է Յունկերը:

Նա նաև նշել է, որ Եվրամիությունը չի հրաժարվում նախկին Հարավսլավիայի անդամ երկրների՝ Սերբիայի, Բոսնիայի և Հերցոգովինայի, Չերնոգորիայի, Մակեդոնիայի ինտեգրման մտադրությունից: «Եթե ավելի մեծ կայունություն ենք ուզում մեր սահմանների հարևանությամբ, պետք է սատարենք Արևմտյան Բալկանների երկրների համար ընդլայնման հեռանկարին»,-ասել է նա:

Ընթերցեք նաև.Գերմանիան սառեցրել է Թուրքիա զենքի առաքումների մեծ մասը