ՌԴ Ռուսաստանի լիբերալ-ժողովրդավարական կուսակցության առաջնորդ Վլադիմիր Ժիրինովսկին հայտարարել է, որ պատրաստ է զբաղվել Արարատ լեռը Հայաստանին վերադարձնելու հարցով:
Քաղաքական գործիչը ներկա է եղել հայկական ապրանքների «Ոսկե նուռ» ամենամյա փառատոնի բացմանը Մոսկվայում, գրում է Rusarminfo-ն:
«Ամեն ինչ կանեմ, որ մենք Կուրսկի երկաթուղային կայարանում կարողանանք դիմավորել Երևան-Մոսկվա գնացքներ, որպեսզի ռուսները Հայաստանում, իսկ հայերը մեզ մոտ իրենց ինչպես տանը զգան: Որպեսզի այնպիսի զգացողություն չառաջանա, որ մենք օտար ենք, առավել ևս, որ հայերն այդքան լավ են տիրապետում ռուսաց լեզվին»,-ասել է Վլադիմիր Ժիրինովսկին:
Նա պատրաստակամություն է հայտնել անել ամեն ինչ, որպեսզի ավելանան հայկական արտադրության ապրանքների ծավալները ռուսական շուկայում: