Հայտնի հայ դաշնակահար Հայկ Մելիքյանը համերգ է տվել ժամանակակից արվեստի Գոգոլfest փառատոնի շրջանակում, որը գրավել է ակադեմիական երաժշտության սիրահարներին: Համերգը տեղի է ունեցել սեպտեմբերի 16-ին Ուկրաինայի Դովժենկոյի անվան կենտրոնում:

«Լուսաբացին սպասելիս» խորագիրը կրող համերգային ծրագրի շրջանակում Մելիքյանը կատարել է ինչպես սեփական ստեղծագործությունները, այնպես էլ Լուբոս Ֆիսերի, Մաքսիմ Կոլոմիյցի, Տրիստան Մյուրայի, Ջոնաթան Հարվիի, Ալեքսանդրա Ֆիլոնենկոյի, Տաթև Ամիրյանի, Հարություն Դելալյանի, Հենրիկ Գորեցկու գործերը, գրում է AnalitikaUA.net-ը:

Ժամանակակից արվեստի ամենամյա Գոգոլfest միջազգային փառատոնը Կիևի և ընդհանրապես Ուկրաինայի մշակութային կյանքի ամենամեծ իրադարձություններից է: Այն ունի միանգամից մի քանի ուղղություն՝ թատրոն, երաժշտություն, կինո, գրականություն և վիզուալ արվեստ: