Սեպտեմբերի 23-ին` ժ.13:00-22:00-ը, Երևանի Անգլիական այգում կանցկացվի ռեստորանային սննդի բացօթյա փառատոն, որի շրջանակում Երևանի լավագույն ռեստորանների և սննդի արտադրության ոլորտի ներկայացուցիչները կներկայացնեն իրենց արտադրանքը, կցուցադրեն իրենց ճաշացանկը և տեղում կվաճառեն իրենց ուտեստները՝ հատուկ փառատոնային գներով:

Այգու տարածքում, ռեստորաններից բացի կանցկացվեն նաև հայ շեֆ-խոհարարների վարպետության դասեր, նախատեսվում է հանգստի գոտու և մանկական հատվածի ձևավորում:

Կլինեն նաև երաժշտական համարներ ու շատ այլ անակնկալներ:

Լուսանկարահանվելու համար հատուկ գոտի կհատկացվի: