Ապրիլի 3-4 Ագոյի խումբը այցելելու է Հարավային Կովկաս
Եվրախորհրդի Նախարարների կոմիտեի «Ագոյի խումբը» ապրիլի 3-4 այցելելու է Ադրբեջան եւ Հայաստան: Պատվիրակությունը գլխավորելու է Շվեդիայում Եվրախորհրդի մշտական ներկայացուցիչ Պյեր Սյեգրենը: Այցելության ընթացքում քննարկվելու են Ադրբեջանի կողմից Եվրախորհրդի առաջ վերցրած պարտավորություններն իրականացնելու հարցեր եւ համագործակցության մանրամասներ, հայտնել է «Ագոյի խմբի» մամլո քարտուղար Քրիստոֆ Պոիրելը: Պոիրելի խոսքերով, ուշադրության կենտրոնում լինելու է նախագահական ընտրությունների հարցը, ԶԼՄ-ներն ու Ադրբեջանի դատական համակարգը: Այցելության ընթացքում «Ագոյի խումբը» հանդիպումներ է անցկացնելու քաղաքական կուսակցությունների, մամուլի, կառավարության, քաղաքացիական հասակարության, խորհրդարանի ներկայացուցիչների հետ: Ադբեջան այցելությունից հետո «Ագոյի խմբի» ներկայացուցիչները մեկնելու են Հայաստան, հաղորդում է «Թրենդը»:
