Լուիս Ֆոնսիի և Daddy Yankee-ի Despacito երգի հոլովակը պատմության մեջ առաջինն է, որ հավաքել է 4 մլրդ դիտում YouTube տեսահոսթինգում:

«Մենք պատմության մեջ մտանք՝ 4 մլրդ դիտում հավաքելով, սակայն տոնելու փոխարեն կենտրոնացել ենք այն վայրի վերականգնման վրա, որտեղ ամեն ինչ սկսվեց (հոլովակը նկարահանվել է Պուերտո Ռիկոյում)»,-գրել է Ֆոնսին Instagram-ում: Ռեկորդակիրներին առավել մոտ է Wiz Khalifa-ի See You Again-ը 3.156 մլրդ դիտումով:

Despacito-ն YouTube տեսահոսթինգ է ներբեռնվել 2017-ի հունվարի 12-ին և օգոստոսի սկզբին արդեն հաղթահարել էր 3 մլրդ դիտման նիշը: