Սահմանամերձ Բաղանիսում կաթիլային համակարգով հոնի և պնդուկի այգի է հիմնվում
Տավուշի մարզի սահմանամերձ Բաղանիս գյուղում մեկնարկել է երեք հեկտար պտղատու այգու հիմնումը: Այգին հիմնվում է «ՄԱԿ-ի զարգացման աջակցության» ծրագրով (ՄԱԿԶԱԾ):
Ծրագրի շրջանակներում հիմնվելու է հոնի և պնդուկիայգի երեք հեկտար տարածքի վրա իր առանձին ցանկապատով և ոռոգման կաթիլային համակարգով: Հողի փխրեցումից հետո կիրականացվեն ցանկապատման աշխատանքները, որից հետո կդրվեն տնկիները:
Ծրագրին մասնակցում է չորս շահառու, որոնք վարելահողի սեփականատերերն են և պարտավորվել են 20 %-ի չափով մասկացություն ունենալ ծրագրի իրականացմանը:
«Հողը պահելուց զատ այն պետք է նաև մշակել, որ անպետք չդառնա: Սահմանի ամրացման ևս մեկ քայլ»,- գրել է Բաղանիսի գյուղապետ Նարեկ Սահակյանը ֆեյսբուքյան էջում:
