Ուկրաինաբնակ բարերարները հինավուրց զանգ են նվիրել ՀՀ Լոռու մարզի Ախթալա քաղաքի Սբ Աստվածածին եկեղեցուն:
Զանգը փոխանցվել է Ուկրաինայի հայերի միության նախագահ Վիլեն Շատվորյանի համակարգմամբ և ՀԱԵ ուկրաինական թեմի առաջնորդ եպիսկոպոս Մարկոս Հովսեփյանի օրհնությամբ:
«Հինավուրց զանգն Ախթալա քաղաքի Սբ Աստվածածին եկեղեցուն նվիրաբերելու նախաձեռնությանն արձագանքել են Պետրոսյանների և Մկրտչյանների ընտանիքները»,-ասել է Ուկրաինայի հայերի միության փոխնախագահը, հայտնում է Аnalitikaua.net-ը:
Ուկրաինայի հայերի միությունն աջակցում է նաև ապրիլյան քառօրյա պատերազմում զոհվածների և տուժածների ընտանիքներին: 2016-ի օգոստոսից Արցախում զոհվածների 40 ընտանիք մարդասիրական օգնություն է ստանում: