Մոսկվայում «Էխո Մոսկվի» ռադիոկայան ներխուժած անհայտ անձը դանակահարել է գլխավոր տնօրենի տեղակալ Տատյանա Ֆելգենգաուերին: Այդ մասին հայտնել է ռադիոկայանի գլխավոր խմբագիր Ալեքսեյ Վենեդիկտովը:
Հանցագործը հարվածել է լրագրողի պարանոցին: Նա ձերբակալվել է:
Ըստ բժիշկների, տուժածի կյանքին վտանգ չի սպառնում, սակայն նա հոսպիտալացվել է:
ՌԴ Գլխավոր դատախազությունն աղաղակող է համարել հարձակումը լրագրողի վրա: