Tokyo Motor Show 2017-ի ընթացքում Honda-ն առաջին անգամ ներկայացրել է իր թողարկած Urban էլեկտրական մեքենան:
Express հաղորդմամբ, ճապոնական մեքենաշինական ընկերության համանախագահ Տակահիրո Հաչիգոն հայտարարել է, որ էլեկտրամեքենան նախատեսվում է վաճառքի հանել 2019 թվականին:
«Վաճառքը հեռու ապագայում չէ, արդեն 2019-ին այն կարող են ձեռքբերել նաև Եվրոպայում»,-ասել է ընկերության համանախագահը:
2020 թվականին էլեկտրական շարժիչով մեքենա է նախապատրաստվում թողարկել նաև ճապոնական մեքենաշինական ամենախոշոր ընկերություններից Toyota-ն:
Էլեկտրական շարժիչով մեքենաների արտադրությամբ զբաղվող առաջատար ընկերություն է ամերիկյան Tesla Motors-ը, որն այս տարի ամենամատչելի էլեկտրոմոբիլի սերիական արտադրություն է սկսել:
Մեքենաշինության համաշխարհային արդյունաբերության մեջ շարունակում են առաջատար մնալ բենզին այրող շարժիչներով մեքենաները: