Անհրաժեշտ է, որ հասարակությունը մեծ վստահություն ունենա նախագահական ընտրությունների արդյունքների հանդեպ: Այդ մասին հայտարարել է Հայաստանի նախագահության թեկնածու, վարչապետ Սերժ Սարգսյանը քվեարկությունից հետո: Նա նաեւ հույս է հայտնել, որ ընտրություններն այսօր կավարտվեն: Մեկնաբանելով նախագահության թեկնածու Լեւոն Տեր-Պետրոսյանի կողմնակիցների հայտարարությունները «մինչեւ վերջ պայքարելու» մասին, վարչապետն ասել է, որ «նրանք կարող են պայքարել մինչեւ 20:00-ն, երբ կփակվեն ընտրատեղամասերը»: