Lamborghini և MIT ընկերությունները EmTech համաժողովի ընթացքում առաջին անգամ ներկայացրել են Terzo Millennio ինքնակառավարվող մեքենայի կոնցեպտուալ մոդելը:
CNet կայքի փոխանցմամբ՝ ապագայի սուպերքառը հասանելի կլինի գալիք սերունդներին: Մոդելը մշակողները կենտրոնացել են մեքենայի հինգ հիմնական հատկանիշների վրա՝ վառելիքի մեծ պաշար, բարձրորակ բաղադրիչներ, հզորություն, դիզայն և էմոցիա:
«Մեքենան կօգնի վարորդին ավելի լավ վարել, արագ կողմնորոշվել երթևեկության մեջ և հետևել ճանապարհային նշաններին»,-գրում է կայքը:
Մեքենայի չորս անիվներից յուրաքանչյուրում էլեկտրական շարժիչ է տեղադրվելու: Արտադրողները ստանդարտ մարտկոցների փոխարեն կիրառելու են սուպերկոնդենսատորներ, որոնք թույլ կտան ավելի արագ լիցքավորել մեքենան: