13 նոյեմբերի 2017 - 18:00 AMT
Հոկտեմբերին գներն աճել են 0,8%-ով

2017 թվականի հոկտեմբերին սեպտեմբերի համեմատ Հայաստանի սպառողական շուկայում արձանագրվել է 0,8% գնաճ:

Ազգային վիճակագրական ծառայության տվյալների համաձայն՝ նշված ժամանակահատվածում 1,2%-ով աճել են սննդամթերքի, ոչ ալկոհոլային և ալկոհոլային խմիչքների, ծխախոտի գները:

Պարենային շուկայում գնաճը պայմանավորվել է հիմնականում մսի, ձկան, ծովամթերքի, կաթնամթերքի, պանրի, ձվի, յուղերի, ճարպերի, բանջարեղենի 11,8% գնաճով: Նախորդ տարվա նույն ժամանակահատվածի համեմատ արձանագրվել 13,6% գնաճ:

1,9%-ով գնաճ է արձանագրվել նաև ոչ պարենային ապրանքների շուկայում: Ընթացիկ տարվա սեպտեմբերի համեմատ հոկտեմբերին 0,5%-ով նվազել են ծառայությունների ոլորտում գրանցված սակագները: