2014-2016 թվականներին Հայաստանում հանրակրթական դպրոցների ուսուցիչների քանակը նվազել է 1,7%-ով:
Ազգային վիճակագրական ծառայության տվյալների համաձայն՝ 2014-ին դպրոցներում դասավանդել է 39.000, 2015-ին՝ 38.700, 2016-ին 38.300 ուսուցիչ:
Նույն ժամանակահատվածում բուհերում 3,9%-ով կրճատվել է նաև պրոֆեսորադասախոսական անձնակազմը՝ 2014-ի 7.913-ի փոխարեն 2016-ին 7.598 կազմելով. 2015-ին դասախոսների թիվը եղել է 7.947:
2016-ի տվյալներով՝ գիտական աստիճան ունեցող դասախոսները կազմել են ընդհանուրի 51,5%-ը, գիտական կոչում ունեցողները՝ մոտ 43%-ը: