Արգենտինացի ֆուտբոլիստ, «Բարսելոնա» ֆուտբոլի ակումբի հարձակվող Լիոնել Մեսսին շուտով ևս մեկ «Ոսկե խաղակոշիկի» կարժանանա:

Արգենտինացու համար «Ոսկե խաղակոշիկը» 4-րդը կդառնա կարիերայում: Այդ ցուցանիշով նա կհասնի «Ռեալի» հարձակվող Կրիշտիանու Ռոնալդուին:

Մեսսին մրցանակը կստանա Բարսելոնայի կենտրոնում գտնվող Antigua Fabrica Estrella Damm միջոցառումների սրահում: Արարողությունը կկայանա նոյեմբերի 24-ին, գրում է Eurosport-ը Marca-ի վրա հղումով:

Պարգևը սահմանել են European Sports Magazines-ն ու adidas-ը: Մրցանակը հանձնվում է 1968-ից: Մեսսին 2016/2017 խաղաշրջանում 74 միավոր է հավաքել՝ դառնալով 37 գոլի հեղինակ և առաջ անցնելով Բաս Դոստից ու Պիեռ Էմերիկ Օբամեյանգից: