Թբիլիսիի Գաբրիել Սալոսի փողոցում 16 ժամ տևած հակաահաբեկչական գործողության արդյունքում 2 քաղաքացի է ձերբակալվել։
Գործողության ընթացքում տեղի է ունեցել փոխհրաձգություն հատուկջոկատայինների ու կասկածյալների միջև։
Շենքի բնակչությունը գործողության ընթացքում տարհանվել էր, հայտնում է «Ռուսթավի-2» հեռուստաալիքը։
Հայտնի է, որ գործողության ընթացքում հատուկջոկատայիններից մեկը վիրավորվել է։
Գործողության ու դրա թիրախների մասին այլ մանրամասներ դեռևս հայտնի չեն։