Երևանի Օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը և օրերս կյանքից հեռացած ռուս հայտնի օպերային երգիչ Դմիտրի Խվորոստովսկին ներկայացված են «Գրեմմի» մրցանակաբաշխությանը: Այդ մասին ասվում է մրցանակաբաշխության կայքում:
Նրանք ներկայացած են «Լավագույն դասական սոլո ալբոմ» անվանակարգում՝ «Սվիրիդով. Հեռացող Ռուսաստան» ձայնասկավառակի համար:Խվորոստովսկին կատարում է երգերը Օրբելյանի ղեկավարած Սանկտ Պետերբուրգի Ակադեմիական սիմֆոնիկ նվագախմբի և «5-ի ոճը» Ռուսական ժողովրդական գործիքների համույթի նվագակցությամբ:
«Գրեմմի» մրցանակաբաշխությունը կանցկացվի 2018-ի հունվարի 28-ին, Նյու Յորքում:
Օրբելյանը հավակնում էր «Գրեմմիի» նաև 2014-ին՝ Ռոսսինիի արիաների նվագախմբային ձայնագրությունների համար: Խվորոստովսկին հավակնել է մրցանակին 3 անգամ: